BERLIN, U BMW-u navodno spremaju uskoro novi sportski kupe koji bi trebalo da bude u ravni sa konkurencijom.
BMW se takmiči sa automobilima poput Poršeovog Kajmana ili pak Audijevog TT RS-a. Svakako će se raditi o M modelu koji će u ovom slučaju nositi oznaku M2 i ustvari biti svojevrsni nasljednik serije 1 Coupe.
M2 će se temeljiti na platformi F21, koju će koristiti i buduća serija 2, a imaće naprijed smješten motor i pogon na zadnje točkove.
Navodno se razmatra upotreba dva motora. Prvi je 6-cilindrični 3.0 bi-turbo snage oko 350 KS, a drugi inovativni tri-turbo koji bi trebalo da debituje u modelu X3M čija se premijera očekuje na frankfurtskom auto salonu.
Dolazak na tržište se očekuje tokom 2015. U M odjeljku tu ne staju već razmišljaju o daljem širenju ponude. Najveću vijest čini priča kako u BMW-u razmišljaju o razvoju modela kalibra Lambordžinijevog Aventadora i sl., prenose agencije.
Komentariši