ŠANGAJ, Na sajmu automobila u Šangaju koji je u toku, prikazani su novi modeli automobila pristupačne cijene, namjenjeni isključivo kineskom tržištu.
Dženeral motors(GM) predstavio je 630 sedan, prvi model koji izlazi pod novim znakom Baodžun koji je razvijen u saradnji sa kineskim partnerima. Model je baziran na osnovi starijeg modela GM-a “Ševrolet Aveo”, ima četvoro vrata, a cijena će biti od 10 do 15 hiljada dolara.
Honda je prikazala svoj jednostavni i kompaktni S1 koji takođe ima četvoro vrata, prvi model iz linije Everus čija prodaja počinje ove nedjelje.
Nisan je prikazao model koji još nema naziv, a prodavaće se od sljedeće godine, pod brendom Venucia.
Ovi modeli automobila prodavaće se samo u Kini i svojom cijenom bi trebalo da osvoje dio tržišta koji trenutno zauzimaju mnogobrojni manje poznati kineski proizvođači. Beta
