BRISEL, Kina se oštro protivi mogućem produženju antidampinškim mjera u Evropskoj uniji na novih 15 mjeseci na izvoz njihove obuće jer to vrši sve veći pritisak na domaće proizvođaće obuće, saopštili su u kineskom Ministarstvu trgovine. Najnoviji nagovještaji ne stvaraju dobar ambijent za pravu konkurenciju, kažu u Ministarstvu.
EK je najavila da će predložiti produženje važenja mjera, a one će se odnositi na kineske i na vijetnamske obućare. Još početkom 2006. Evropljani su počeli uvođenje nepopularnih tarifa, a one su za Kineze podignute 16,5, a Vijetnamce 10 procenata. Pritisak u pravcu takvih mjera vršili su svojevremeno evropski proizvođači cipela tvrdeći da se kineski i vijetnamski proizvođači obuće služe nedozvoljenim subvencijama i različitim vrstama podsticaja.
Analitičari su sugerisali da će se kineska vlada i njeni proizvođači konsultovati sa EK i pojedinim evropskim članicama iz kojih i dolaze najveći pritisci u pravcu donošenja određenih mjera.. Produženju mjera se među Evropljanima protive Njemačka, Velika Britanija, Finska, Austrija i Beligija, dok se za njih oštro zalažu Italja, Francuska, Španija i Poljska, glavni proizvođači obuće na starom kontinentu.
